Azərbaycanda geniş pul kütləsi azalmaqda davam edir

Bu il avqustun 1-nə Azərbaycanda geniş mənada pul kütləsinin həcmi 41 milyard 70,6 milyon manat təşkil edib.

"Report" Azərbaycan Mərkəzi Bankının hesabatına istinadən xəbər verir ki, bu, aylıq müqayisədə 0,4 % az, ilin əvvəlinə nisbətən 4,1 % az, ötən il avqustun 1-i ilə müqayisədə isə 7,4 % çoxdur.

O cümlədən, manatla geniş mənada pul kütləsinin həcmi bu ilin iyulun sonuna 31 milyard 713,1 milyon manat təşkil edib. Bu, aylıq müqayisədə 1 %, ilin əvvəlinə nisbətən 7,3 %, illik müqayisədə isə 20,7 % çoxdur.