Azərbaycanda geniş pul kütləsi 15 %-dən çox artıb

Bu il mayın 1-nə Azərbaycanda geniş mənada pul kütləsinin həcmi 41 milyard 177,5 milyon manat təşkil edib.

"Report" Azərbaycan Mərkəzi Bankının hesabatına istinadən xəbər verir ki, bu, aylıq müqayisədə 0,2 % artıb, ilin əvvəlinə nisbətən 3,8 % azalıb, illik müqayisədə isə 15,5 % artıb.

Manatla geniş mənada pul kütləsinin həcmi bu ilin aprelin sonuna 30 milyard 189,1 milyon manat təşkil edib. Bu, 2023-cü ilin martın sonuna olan analoji göstəricidən 1,7 %, ilin əvvəli ilə müqayisədə 2,1 %, illik müqayisədə isə 24,7 % çoxdur.