Azərbaycanda gələn il əhalinin xərclərinin artım tempi gəlirlərin artımını üstələyəcək

Bakı. 25 noyabr. REPORT.AZ/ Azərbaycanda 2017-ci ildə əhalinin gəlirlərinin 46 185,5 mln. manat olması proqnozlaşdırılır ki, bu da əvvəlki ilin analoji proqnozu ilə müqayisədə 3,91% çoxdur.

"Report" bu barədə 2017-ci il dövlət büdcəsi haqqında qanun layihəsinə Hesablama Palatasının rəyinə istinadən xəbər verir.

Gələn il əhalinin xərcləri üzrə proqnoz da 7,46% artaraq 42 068,4 mln. manata yüksəldilib.

Büdcə zərfinə əsasən, gəlirlərin real azalma tempi builki -5%-ə qarşı gələn il -3,1%-ə dəyişib. Bu il xərclər üzrə -0,6% real azalma gözlənilirsə, 2017-ci il üçün 0,2% real artım proqnozlaşdırırlır.