Azərbaycanda elektron bankçılıqla cari hesablardan köçürmәlәr kəskin artıb

2022-ci ildə Azərbaycanda elektron bankçılıq vasitәsilә cari hesablardan aparılmış köçürmәlәrin ümumi sayı 137,4 milyon әdәd, məbləği isә 244 milyard manat tәşkil edib.

“Report” xəbər verir ki, bu barədə Azərbaycan Mərkəzi Bankının illik “Rəqəmsal Ödənişlər İcmalı”nda bildirilir.

Sənədə əsasən, bu, 2021-ci ilin göstəricisi ilə müqayisədə müvafiq olaraq 2,3 dəfə və 49,6 % çoxdur.

2022-ci il ərzində internet bankçılıq xidmətləri vasitəsilə aparılan müştəri köçürmələrinin həcmi 2021-ci illə müqayisədə 50 % artaraq 212 milyard manat, mobil bankçılıq xidmətləri vasitəsilə aparılan müştəri köçürmələrinin həcmi isə 3 dəfə artaraq 12,1 mlilyard manat olub.