Azərbaycanda 57 mindən çox kredit restrukturizasiya olunub

Pandemiya başlayandan bəri ümumilikdə 1,3 milyard manat məbləğində 57 mindən çox kredit restrukturizasiya olunub.

“Report” xəbər verir ki, bu barədə Azərbaycan Mərkəzi Bankınin “2022-ci il üçün pul və maliyyə sabitliyi siyasətini əsas istiqamətləri barədə” bəyanatında qeyd olunur.

Bildirilir ki, restrukturizasiya olunmuş kreditlərin məbləğ üzrə 87 %-i biznes, 9 %-i istehlak, 4 %-i ipoteka kreditlərinin payına düşüb.

Qeyd edək ki, 2021-ci ilin əvvəlində pandemiya ilə bağlı tətbiq olunmuş yumşalmalardan sonra restrukturizasiya portfelinin ödənişləri üzrə müsbət dinamika müşahidə olunub. Bu il noyabrın 30-na pandemiya ilə əlaqədar restrukturizasiya olunmuş portfelin qalıq məbləği 0,7 milyard manat təşkil edib.