Azərbaycan Mərkəzi Bankı pullarını sığortalatdırır

Azərbaycan Mərkəzi Bankı (AMB) əsas vəsaitlərin və nəğd pulun sığortalanması üçün açıq tender elan edib.

“Report” xəbər verir ki, tenderdə iştirak haqqı 100 manatdır.

İddiaçılar ilkin sənədləri dekabrın 13-ü, saat 17:30-a qədər, tender təklifi və onun dəyərinin 1 %-i qədər bank təminatını isə dekabrın 21-i, saat 17:30-a qədər AMB-nin Bakı şəhəri, Nəsimi rayonu, Rəşid Behbudov küçəsi, 90 ünvanında yerləşən inzibati binasına təqdim edə bilərlər.

Əlaqələndirici şəxslər Elvin Şirdanov (hüquq departamenti) və Ceyhun Səmədovdur (İnzibati departament).

Telefon: (012) 493-11-22 (daxili: 428; 599).

Təkliflərə dekabrın 22-si, saat 15:00-da qeyd olunan ünvanda baxılacaq.