Azərbaycan manatının nominal effektiv məzənnəsi artıb

Bu ilin mart ayının 1-nə Azərbaycan manatının xarici valyutalara nisbətən nominal effektiv məzənnəsi 86,4 bənd təşkil edib.

“Report” Azərbaycan Mərkəzi Bankına istinadən xəbər verir ki, bu, aylıq müqayisədə 0,4 bənd, ilin əvvəli ilə müqayisədə 1 bənd, ötən ilin eyni dövrü ilə müqayisədə 11,7 bənd çoxdur.

Bu ilin fevral ayının sonuna manatın real effektiv məzənnəsi isə 113,2 bənd təşkil edib. Bu isə aylıq müqayisədə 0,1 bənd az, ilin əvvəli ilə müqayisədə 0,4 bənd az, illik müqayisədə isə 12,6 bənd çoxdur.