Azərbaycan manatının effektiv məzənnələri il ərzində artıb

Bu ilin iyul ayının 1-nə Azərbaycan manatının xarici valyutalara nisbətən nominal effektiv məzənnəsi 98,7 bənd təşkil edib.

“Report” Azərbaycan Mərkəzi Bankına (AMB) istinadən xəbər verir ki, bu, aylıq müqayisədə 2,6 bənd, ilin əvvəli ilə müqayisədə 3,5 bənd, 2022-ci ilin eyni dövrü ilə müqayisədə 6,8 bənd çoxdur.

İyun ayının sonuna manatın real effektiv məzənnəsi 123,3 bənd təşkil edib. Bu isə aylıq müqayisədə 1,3 bənd, ilin əvvəlinə nisbətən 1 bənd, illik müqayisədə isə 9 bənd çoxdur.