Azərbaycan BOKT-ları bu ilin I yarısında 8 milyon manatdan çox mənfəət əldə edib

Azərbaycandakı bank olmayan kredit təşkilatları (BOKT) bu ilin I yarısını 8,3 milyon manat xalis mənfəətlə başa vurub.

“Report" bu barədə Azərbaycan Mərkəzi Bankına istinadən xəbər verir.

Məlumata görə, 6 ay ərzində BOKT-ların əməliyyat gəlirləri 41,4 milyon manat, əməliyyat xərcləri 25,6 milyon manat, xüsusi ehtiyatlara ayırmaları 5,9 milyon manat, mənfəət vergisi ödəmələri isə 1,5 milyon manat təşkil edib.

Bu il iyulun 1-nə BOKT-ların aktivləri 334,5 milyon manat olub ki, bunun da 236,1 milyon manatı müştərilərə verilmiş xalis kreditlərdir. Martın sonuna BOKT-lar 195,7 milyon manat öhdəliklərə, 138,8 milyon manat balans kapitalına malik olub.