Azərbaycan banklarının xarici öhdəlikləri 18 %-dək azalıb

Azərbaycan banklarının xarici öhdəlikləri bu il dekabrın 1-nə 1 milyard 021,8 milyon manat təşkil edib.

“Report” Azərbaycan Mərkəzi Bankına istinadən xəbər verir ki, bu, noyabrın 1-i ilə müqayisədə 0,8 % azdır. Bu, 2020-ci ilin yanvarın 1-nə nisbətən 16,3 %, ötən ilin dekabrın 1-i ilə müqayisədə isə 17,6 % azdır.

Bu il dekabrın 1-nə Azərbaycan banklarının xalis xarici aktivləri 19 milyard 212,5 milyon manat təşkil edib. Bu, noyabrın 1-i ilə müqayisədə 2,2 % çox, ilin əvvəli ilə müqayisədə 4,2 %, ötən ilin analoji dövrü ilə müqayisədə isə 10,6 % çoxdur.

Qeyd edək ki, ölkədə 26 bank fəaliyyət göstərir.