AYİB-nin səhmdarlarının sayı artdı

Avropa Yenidənqurma və İnkişaf Bankının (AYİB) səhmdarları siyahısına Birləşmiş Ərəb Əmirlikləri də daxil edilib.

“Report” bu barədə qurumun açıqlamasına istinadən xəbər verir.

BƏƏ hökuməti AYİB üzvlüyünə dair ərizəsini ötən ilin sentyabr ayında vermişdi.

Qeyd edək ki, hazırda səhmdarları sırasında 69 ölkədən 71 təşkilatın, həmçinin Avropa İttifaqı və Avropa Sərmayə Bankının da olduğu AYİB 2011-ci ildən Mərakeş, Tunis, Misir, İordaniya və Livan kimi ölkələrdə, habelə Fələstin ərazisində icra edilən layihələrə maliyyə dəstəyi verir.