AMB: Sindikativ kreditlərlə bağlı beynəlxalq təcrübə müzakirə edilib

Azərbaycanda sindikativ kreditlərlə bağlı beynəlxalq təcrübə müzakirə edilib.

"Report" bu barədə Azərbaycan Mərkəzi Bankına (AMB) istinadən xəbər verir.

Məlumata görə, qurumun Maliyyə sektorunun inkişafı şöbəsinin rəisi Nərgiz Şirəliyeva “Sindikativ kreditlər” tədbirində “Sindikat kreditləri və onların biznesə faydaları” mövzusunda keçirilmiş müzakirə panelində iştirak edib. O, ölkədə sindikatlaşdırılmış kredit bazarının inkişafı üçün hüquqi çərçivənin təkmilləşdirilməsi istiqamətində həyata keçirilən təşəbbüslər, bu sahədə region ölkələrinin tənzimləmə təcrübəsi, həmçinin beynəlxalq təcrübə üzrə vahid müqavilə şablonları və təlimat sənədləri barədə məlumatları bölüşüb.