AMB-nin nümayəndə heyətinin Tacikistana işgüzar səfəri başlayıb

Azərbaycan Mərkəzi Bankın sədri (AMB) Taleh Kazımovun rəhbərlik etdiyi nümayəndə heyətinin Tacikistana işgüzar səfəri başlayıb.

"Report" bu barədə AMB-yə istinadən xəbər verir.

Məlumata görə, iyulun 3-nə qədər davam edəcək səfər zamanı nümayəndə heyətinin Düşənbə şəhərində keçiriləcək Dünya Bankı və Beynəlxalq Valyuta Fondunun Seçki Qrupunun Toplantısı çərçivəsində bir sıra tədbirlərdə və ikitərəfli görüşlərdə iştirakı nəzərə tutulub.