AMB Asiya İnkişaf Bankı ilə rəqəmsal maliyyə ekosisteminin inkişafını müzakirə edib

Azərbaycan Mərkəzi Bankı (AMB) Asiya İnkişaf Bankı (ADB) ilə rəqəmsal maliyyə ekosisteminin inkişafını hədəfləyən strateji təşəbbüsləri müzakirə edib.

"Report" AMB-yə istinadən xəbər verir ki, bu, Mərkəzi Bankın sədr müavini Əliyar Məmmədyarovun ADB-nin icraçı direktoru Reyçl Tompsonun rəhbərlik etdiyi nümunayəndə heyəti ilə keçirilən görüşdə müzakirə edilib.

Görüşdə maliyyə sisteminin dayanıqlılığının artırılması və qarşılıqlı maraq doğuran digər mühüm məsələlər ətrafında fikir mübadiləsi aparılıb.