Rusiyanın basketbol millisinin olimpiadada iştirak etməyəcəyi dəqiqləşib

Rusiyanın kişilərdən ibarət basketbol millisi 2024-cü ildə Fransanın paytaxtı Parisdə keçiriləcək Yay Olimpiya Oyunlarının təsnifat turnirində iştirak etməyəcək.

"Report" xəbər verir ki, bu barədə Beynəlxalq Basketbol Federasiyasının (FIBA) İcraiyyə Komitəsi qərar qəbul edib.

Rusiya seçməsinin yerinə yarışa Bolqarıstan komandası daxil edilib.

Qeyd edək ki, 12-20 avqustda baş tutacaq təsnifat turnirinin hansı ölkədə gerçəkləşəcəyi aprelin sonunda açıqlanacaq. Paris-2024 26 iyul-11 avqustda olacaq.