Lebron Ceymsin imzalı ticarət kartı hərracda 1 milyon dollara satılıb

Milli Basketbol Assosiasiyası (NBA) təmsilçisi “Los Anceles Leykers”in hücumçusu Lebron Ceymsin imzalı ticarət kartı hərracda 1,159 milyon dollara satılıb.

"Report" xarici KİV-ə istinadən xəbər verir ki, basketbolçunun "Klivlend"də çıxış etdiyi dövrə aid olan kart "Goldin Auctions" hərracında sahibini tapıb.

Qeyd edək ki, L.Ceyms 2003-2010-cu və 2014-2018-ci illərdə "Klivlend"də çıxış edib. O, sabiq komandasınının heyətində bir dəfə NBA çempionu olub, final seriyasının (2016) və müntəzəm mövsümün (2009, 2010) ən dəyərli oyunçusu seçilib.