"Gəncə"nin baş məşqçisi: "Diqqətimizi üçüncü oyuna yönəltmişik"

Komanda

20 aprel, 2025
17:16

Gəncənin baş məşqçisi: Diqqətimizi üçüncü oyuna yönəltmişik

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Artıq diqqətimizi üçüncü oyuna yönəltmişik.

"Report"un məlumatına görə, bunu "Gəncə"nin baş məşqçisi Halil Atlı deyib.

Türkiyəli mütəxəssis "Şəki"yə evdə qalib gəldikləri (94:71) Azərbaycan Basketbol Liqasının pley-off mərhələsinin ikinci oyunu ilə bağlı fikirlərini bölüşüb:

"Komandamı göstərdiyi mübarizəyə görə təbrik edirəm. Kollektiv olaraq basketbolçularımızın hər birinin fikri qələbə qazanmaq idi. Yaxşı oynadıq. İlk matçda da yaxşı çıxış etmişdik. Bir-iki sadə səhv bizi istəyimizdən etmişdi".

Qeyd edək ki, ilk qarşılaşmada "Şəki" qalib gəldiyi (85:84) üçün növbəti raunda yüksələn komanda üçüncü görüşdə bəlli olacaq. Cütün qalibi yarımfinalda "Sabah" - "Sərhədçi" duelinin güclüsü ilə üz-üzə gələcək.