Azərbaycan təmsilçiləri “Moskva yay oyunları”nda iştirak edir

Azərbaycan təmsilçilərinin iştirak etdiyi “Kooperativ idmanın inkişafı Assosiasiyalarının Moskva yay oyunları”na start verilib.

"Report" xəbər verir ki, Rusiyada gerçəkləşən yarışlardan öncə oyunların açılış mərasimi keçirilib və komandaların paradı baş tutub.

Qeyd edək ki, beynəlxalq yarışda 22 ölkənin təmsilçiləri müxtəlif idman növlərində mübarizə aparırlar.

Turnirdə ölkəmizi Gənclər və İdman Nazirliyi, Ədliyyə Nazirliyi, Maliyyə Nazirliyi, Elm və Təhsil Nazirliyi, Daxili İşlər Nazirliyi, Fövqəladə Hallar Nazirliyi, Rəqəmsal İnkişaf və Nəqliyyat Nazirliyi, Azərbaycan Hava Yolları və Dövlət Neft Şirkətinin əməkdaşları təmsil edirlər.