Azərbaycan millisinin voleybolçusu karyerasını İtaliyada davam etdirə bilər

Bakı. 22 may. REPORT.AZ/ Azərbaycan milli komandasının voleybolçusu Vüqar Bayramov karyerasını İtaliyada davam etdirə bilər. Bu barədə “Report”a 25 yaşlı idmançının özü məlumat verib.

O bildirib ki, hazırda bununla bağlı danışıq aparılır: “Karyeramı İtaliyada davam etdirməyi düşünürəm. Hələlik ad çəkmək istəmirəm, danışıqlar gedir. Rəsmiləşdikdən sonra açıqlayacağam”.

Qeyd edək ki, Vüqar Bayramov son mövsümü Türkiyə çempionatının II divizionunda çıxış edən “Solhan” klubunda keçirib. O, karyerası ərzində “Azərneft”, “Sərhədçi”, “Birgol İranian” (İran) və “Palandöken Belediyespor” (Türkiyə) komandalarının da formasını geyinib.