Xaçmaz Olimpiya İdman Kompleksində Azərbaycan Basketbol Liqasının 15-ci turunda növbəti oyun gününün ilk qarşılaşması baş tutub.
"Report" xəbər verir ki, çempionatın güclü kollektivlərindən sayılan "NTD-İndiqo" son zamanlar yüksəlişdə olan "Sərhədçi" klubu ilə üz-üzə gəlib.
Görüş birincilərin 84:74 hesablı qələbəsi ilə yekunlaşıb. Ən məhsuldar basketbolçular "NTD-İndiqo"dan Qriffin Remmi (22 xal, 11 asist), "Sərhədçi"dən Tarık Vudi (23 xal, 11 ribaund) olublar.
Günün ikinci oyunu "Sərhədçi" İdman Mərkəzində keçirilib. Pley-off zonasında qərarlaşan "Xırdalan" çempionatın lideri "Xəzri" ilə qarşılaşıb. Oyun "Xəzri"nin 108:82 hesablı rahat qələbəsi ilə yekunlaşıb. Ən məhsuldar basketbolçular "Xırdalan"dan Zeyver Bryüer (28 xal, 6 ribaund), "Xəzri"dən Ceremi Maklaflin (22 xal, 11 ribaund) olublar.
![](https://static.report.az/photo/eca97e85-5443-3db4-a215-0c9099781a14_300.jpg)
![](https://static.report.az/photo/cb877569-d8e2-33d4-b2a6-e4a4eb96089a_300.jpg)
![](https://static.report.az/photo/eef205fe-92c7-362e-bd07-c86d7b581ab3_300.jpg)