Azərbaycanın 16 yaşadək basketbolçulardan ibarət yığması 2023-cü il Avropa çempionatının seçmə mərhələsində Ermənistanla eyni qrupa düşüb.
"Report" Beynəlxalq Basketbol Federasiyasının (FIBA) rəsmi saytına istinadən xəbər verir ki, C Divizionunda mübarizə aparacaq yığmanın püşkatma nəticəsində B qrupundakı digər rəqibləri də bəlli olub.
Azərbaycan millisi seçmə mərhələdə Ermənistanla yanaşı, Albaniya, Kipr və San Marino ilə də qarşılaşacaq.
Qeyd edək ki, B qrupunun oyunları bu il 19 - 27 iyulda Kosovonun paytaxtı Priştinada keçiriləcək.
![](https://static.report.az/photo/7f27398c-95c9-3968-bf02-44761a131d1f_300.jpg)
![](https://static.report.az/photo/8a0dea4f-a2e1-3814-b787-58f030032d6d_300.jpg)