Natiq Şirinov: "Son 7 ildə Bakı Limanında yükaşırma 2 dəfədən çox artıb"

Son 7 ildə Bakı Beynəlxalq Dəniz Ticarət Limanında aşırılan yüklərin həcmi 2 dəfədən çox artıb.

"Report" xəbər verir ki, bunu Dövlət Gömrük Komitəsinin sədr müavini Natiq Şirinov Transxəzər Beynəlxalq nəqliyyat Şərq-Qərb Dəhlizi boyu "bir pəncərə" prinsipindən istifadə etməklə tranzit gömrük prosedurunun sadələşdirilməsi layihəsi (Data pipeline) üzrə çoxtərəfli görüşdə çıxışı zamanı bildirib.

"Limanın I fazada yükaşırma potensialı ildə 15 milyon tondur. Biz son illər infrastruktur layihələrinə yatırdığımız investisiyaların hesabına tranzit yük daşımalarının həcminin artırılmasına nail olduq və hazırda daha çox yük qəbul etməyə hazırıq", - deyə o qeyd edib.