“Koroğlu” Nəqliyyatı Mübadilə Mərkəzinin müvəqqəti köçürüldüyü ərazidə işlər yekunlaşıb

Bakı. 22 noyabr. REPORT.AZ/ “Koroğlu” Nəqliyyatı Mübadilə Mərkəzinin müvəqqəti köçürüldüyü ərazidə işlər artıq yekunlaşıb.

“Report” xəbər verir ki, bu barədə Bakı Nəqliyyat Agentliyinin mətbuat xidmətinin rəhbəri Mais Ağayev məlumat yayıb.

Onun sözlərinə görə, noyabrın 23-dən səhər saat 6-dan ətraf kənd və qəsəbələrə avtobuslar Koroğlu Nəqliyyatı Mübadilə Mərkəzinin müvəqqəti köçürüldüyü yerdən hərəkət edəcək.

Qeyd edək ki, qeyd edilən gün səhər saatlarından ətraf kənd və qəsəbələr üzrə müntəzəm marşrut avtobusları Milli Gimnastika Arenasının dayanacaq məntəqəsində, yəni “Koroğlu” metrostansiyasının piramidalı çıxışının arxasında təşkil edilən Nəqliyyat Mübadilə Mərkəzində sərnişinlərə xidmət göstərəcək.