Dünya Bankı Bakıda əlillər üçün qaldırıcı platforma və rampalar istifadəyə verib

Dünya Bankının dəstəyi ilə Bakıda əlilliyi olan insanların hərəkəti üçün qaldırıcı platforma və rampalar istifadəyə verilib.

"Report"un Banka istinadən verdiyi xəbərə görə, ilk belə avadanlıqlar Bakının mərkəzində yerləşən kino mərkəzinin qarşısında quraşdırılıb.

"Aylardır üzərində çalışdığımız icma layihəsi yekunlaşdı. Kinoteatr artıq araba ilə hərəkət edən şəxslər üçün əlçatandır. Dünya Bankı, Beynəlxalq Maliyyə Korporasiyası, "Üçüncü Bahar" İctimai Birliyi kino mərkəzi ilə əməkdaşlıqda kinoteatrın əlilliyi olan insanlara müyəssərliyini yaxşılaşdırmaq üçün binanı qaldırıcı platforma və rampalarla təchiz ediblər", - deyə açıqlamada qeyd olunub.