"AzRusTrans"ın sədri dəyişib

“Azərbaycan Dəmir Yolları” və Rusiyanın taxılın dəmir yolu ilə daşınması üzrə operatoru “Rusaqrotrans” QSC-lərin birgə müəssisəsi - "AzRusTrans" QSC-nin İdarə Heyətinin sədri Cavid Quliyev vəzifəsindən azad edilib.

"Report" xəbər verir ki, səhmdar cəmiyyətinə rəhbərlik Orxan Heydərova həvalə olunub.

O, bundan əvvəl "AzRusTrans"ın maliyyə direktoru işləyib.

Xatırladaq ki, "AzRusTrans" 2016-cı ildə Rusiya, Azərbaycan, İran, Gürcüstan və Türkiyə arasında yük dövriyyəsində dəmir yolu daşımalarının payını artırmaq məqsədilə yaradılıb. Onun nizamnamə kapitalı 150 min manatdır. Şirkət Azərbaycanda taxıl daşınması üçün özəl vaqon parkına sahibdir.