“Azərsu”yun abunəçilərinin sayı 4 %-dən çox artıb

Aprelin 1-nə olan məlumata əsasən, “Azərsu” ASC ölkə üzrə 1 milyon 697 min 98 abunəçiyə su təchizatı və kanalizasiya xidməti göstərir.

Bu barədə “Report”un sorğusuna cavab olaraq qurumdan bildirilib.

Bunun 1 milyon 631 min 58-i əhali, 66 min 40-ı isə qeyri-əhali abunəçiləridir. Ötən il aprelin 1-nə ASC-nin xidmət göstərdiyi abunəçilərin sayı 1 milyon 629 min 845 təşkil edib ki, bunun 1 milyon 567 min 28-i əhali, 62 min 819-u isə qeyri-əhali abonentləri olub. Yəni bir ildə qurumun xidmət göstərdiyi abunəçilərin sayında ümumilikdə 4,1 %, əhali qrupu üzrə abunəçilərin sayında 4,08 %, qeyri-əhali qrupu üzrə abunəçilərin sayında isə 5,12 % artım baş verib.