"Azərsu" I rübdə 200 minə yaxın elektron müraciət qəbul edib

Bu ilin I rübündə "Azərsu" ASC vətəndaşlardan 19 elektron xidmətlə bağlı 173 min müraciət qeydə alaraq icraya yönəldib.

"Report" səhmdar cəmiyyətinə istinadən xəbər verir ki, ən çox müraciət “Su borcunun internet vasitəsilə öyrənilməsi”, "Elektron müraciət" və "Elektron faktura" xidmələri üzrə qeydə alınıb.

Ümumilikdə xidmətlər istifadəyə veriləndən indiyə qədər vətəndaşlar 1,847 milyon dəfə müraciət edib.

Vətəndaşlar www.e-gov.az Elektron Hökumət Portalı və www.azersu.az saytı vasitəsilə xidmətlərdən yararlana bilərlər.