"Azərsu" abunəçilərinin sayını 4 % artırıb

Bu il oktyabrın 1-nə "Azərsu" ASC-nin 1 731 949 abunəçisi olub ki, bu da 1 il əvvələ nisbətən 4,1 % çoxdur.

"Report" bu barədə səhmdar cəmiyyətinə istinadən xəbər verir.

Məlumata görə, abunəçilərin 1 664 114-ü və yaxud 96,1 %-i əhali, 67 835-i və yaxud 3,9 %-i isə qeyri-əhali qrupu abunəçiləridir. Hesabat dövründə əhali qrupu abunəçilərinin sayı 4,1 %, qeyri-əhali qrupu abunəçilərinin sayı isə 5,3 % artıb.

Hazırda içməli və tullantı su xidmətlərindən istifadə edən abonentlərin 88,7 % sayğacla təmin olunub. Sayğaclaşma səviyyəsi əhali qrupu abonentləri üzrə 88,4 %, qeyri-əhali qrupu üzrə isə 96 %-dir.