Azərbaycanda ekoloji cəhətdən təmiz nəqliyyat sisteminin formalaşdırılması müzakirə olunub

Bu gün keçirilən Nəqliyyatı Əlaqələndirmə Şurasının ilk hazırlıq iclasında dayanıqlı, təhlükəsiz və ekoloji cəhətdən təmiz nəqliyyat sisteminin formalaşdırılması istiqamətində müzakirələr aparılıb.

"Report" xəbər verir ki, bu barədə rəqəmsal inkişaf və nəqliyyat naziri Rəşad Nəbiyev özünün tviter hesabında yazıb.

"Prezident İlham Əliyevin müvafiq Sərəncamı ilə yaradılmış Nəqliyyatı Əlaqələndirmə Şurasının ilk hazırlıq iclasında iştirak etdik. Şuranın yaradılmasını şərtləndirən amilləri qeyd edərək Azərbaycanın nəqliyyat sisteminin cari vəziyyəti və planlar barədə danışdıq. Prezidentin verdiyi tapşırıqlara dair müzakirə apardıq", - R. Nəbiyev bildirib.