Azərbaycanda dəniz nəqliyyatı ilə beynəlxalq daşımalar 5 %-dən çox artıb

Bu ilin yanvar-iyul aylarında Azərbaycanda dəniz nəqliyyatı ilə 1 milyard 376 milyon 954 min ABŞ dolları dəyərində 1 milyon 682 min 309 ton yükün daşınması üzrə idxal-ixrac əməliyyatları həyata keçirilib.

“Report” Dövlət Gömrük Komitəsinə istinadən xəbər verir ki, bunlar, ötən ilin eyni dövrü ilə müqayisədə müvafiq olaraq 27,25 % və 5,3 % çoxdur.

7 ay ərzində dəniz nəqliyyatı ilə 1 milyard 309 milyon 528 min ABŞ dolları (33,2 % çox) dəyərində 1 milyon 635 min 973 ton (5,5 % çox) yük idxal edilib, 67 milyon 426 min ABŞ dolları (31,7 % az) dəyərində 46 min 337 ton (2,4 % çox) yük ixrac olunub.