Azərbaycan və Aİ Orta Dəhliz istiqamətində əməkdaşlığın inkişafını müzakirə edib

Rəqəmsal inkişaf və nəqliyyat naziri Rəşad Nəbiyev Avropa İttifaqının (Aİ) Mərkəzi Asiya üzrə xüsusi nümayəndəsi Teri Hakala ilə Orta Dəhliz istiqamətində əməkdaşlığın inkişafını müzakirə edib.

“Report” xəbər verir ki, bunu nazir “X” sosial şəbəkəsindəki hesabında bildirib.

"Ölkəmizdə səfərdə olan T.Hakala ilə görüşdük. Nəqliyyat, o cümlədən aviasiya sahəsində və Orta Dəhliz istiqamətində əməkdaşlığın inkişafını müzakirə etdik”, - deyə o qeyd edib.