“Azərbaycan Hava Yolları”nın ixrac gəlirləri 5 dəfə artıb

Bu ilin yanvar-iyul aylarında “Azərbaycan Hava Yolları” QSC xarici ölkələrə 15,8 milyon ABŞ dolları dəyərində xidmət ixrac edib.

“Report” xəbər verir ki, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın avqust sayında qeyd edilir.

Bu, 2022-ci ilin 7 ayı ilə müqayisədə 12,6 milyon ABŞ dolları və ya 4,9 dəfə çoxdur.

Hesabat dövründə Azərbaycanın ümumi ixracı 20,8 milyard ABŞ dolları, qeyri-neft sektoru üzrə ixrac isə 2022-ci ilin müvafiq dövrü ilə müqayisədə 17,8 % artaraq 2 milyard ABŞ dolları təşkil edib.