AZAL “YAŞAT” Fondu ilə əməkdaşlığa başlayır

"Azərbaycan Hava Yolları" QSC (AZAL) və Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin ("ASAN xidmət") tabeliyindəki “YAŞAT” Fondu arasında Əməkdaşlıq Memorandumu imzalanıb.

"Report" bu barədə AZAL-a istinadən xəbər verir.

Məlumata görə, sənədi səhmdar cəmiyyətinin I vitse-prezidenti Samir Rzayev və Fondun rəhbəri, Qarabağ qazisi Elvin Hüseynov imzalayıblar.

Memorandum Fondun reallaşdırdığı sosial layihələrə AZAL-ın dəstək verməsini nəzərdə tutur.