Ağdam Sənaye Parkında yeni rezident qeydə alınıb

İqtisadiyyat Nazirliyinin tabeliyindəki İqtisadi Zonaların İnkişafı Agentliyinin idarəçiliyində olan Ağdam Sənaye Parkında yeni rezident qeydə alınıb.

"Report" agentliyə istinadən xəbər verir ki, bu, “Construction” MMC-dir.

Yeni yaradılacaq müəssisədə yüksək gərginlikli elektrik enerjisinin ötürülməsi üçün müxtəlif metal elektrik dirəklərin istehsalı layihəsi həyata keçiriləcək. İnvestisiya dəyəri 2,9 milyon manat olan müəssisədə 40 nəfər işlə təmin olunacaq.

İstehsal olunan məhsullar daxili bazarın təlabatının ödənilməsinə yönəldiləcək.