"Üns" Teatrı mövsümü "Fedra" tamaşa ilə açacaq

Bakı. 24 sentyabr. REPORT.AZ/ "Üns" Yaradıcılıq Səhnəsi oktyabrın 7-də yeni teatr mövsümünün açılışını edəcək.

"Report" xəbər verir ki, həmin gün Yaradıcılıq Səhnəsində rusiyalı rejissor Roman Vityukun Teatrı çıxış edəcək.

Moskva teatrı "Fedra" mistik dramını Azərbaycan tamaşaçılarına təqdim edəcək. Tamaşada baş rolu Dmitriy Bozin ifa edir. Rollarda İqor Neverov, Aleksandr Düba və başqaları çıxış edir.

Tamaşa 18 yaşından yuxarı tamaşaçılar üçün nəzərdə tutulub.

Biletləri "Üns" Teatrının və şəhərin mərkəzləşdirilmiş kassalarından əldə etmək olar.