"The Beatles" qrupunun 60 nəşr olunmamış fotosu tapılıb

Bakı. 16 iyun. REPORT.AZ/ Yaponiyada məşhur "The Beatles" qrupunun 60 nəşr olunmamış fotosu tapılıb.

"Report" xarici KİV-ə istinadən xəbər verir ki, fotolar 10 il əvvəl ölən məşhur yapon fotoqraf Katsuji Abenin evində aşkarlanıb. Şəkillər qrupun 1966-cı ildə Yaponiya turuna həsr olunub.

K.Abenin çəkdiyi fotolarda qrupun hava limanından və konsertindən olan görüntülər əks olunub. Fotoların 37-si "The Beatles"in final konserti zamanı çəkilib. Fotoqrafın evindən konsertə aid video görüntü tapmaq isə mümkün olmayıb.