Latviyalı rəssam: "Qarabağ atlarının cazibəsi məni valeh etdi"

Latviyalı rəssam: "Qarabağ atlarının cazibəsi məni valeh etdi" Bakıda məşhur latviyalı rəssam Dase Ştraussun Qarabağ atlarına həsr olunmuş sərgisi açılıb.
İncəsənət
178
23 Sentyabr , 2021 23:42
Latviyalı rəssam: Qarabağ atlarının cazibəsi məni valeh etdi
Datse Ştrauss

Bakıda məşhur latviyalı rəssam Datse Ştraussun Qarabağ atlarına həsr olunmuş sərgisi açılıb.

Sentyabrın 28-dək davam edəcək sərgi Latviyanın Azərbaycandakı səfirliyi, "Arts Council of Azerbaijan" və İçərişəhər Dövlət Tarix-Memarlıq Qoruğu ilə birgə təşkil olunur.

Latviyalı rəssam Azərbaycanda olduğu müddətdə onu yeni əsərlər yaratmağa ilham verən Qarabağ atları ilə tanış olmaq imkanı əldə edib.

D.Ştrauss "Report"a açıqlamasında bildirib ki, Qarabağ atları onun yaradıcılığında xüsusi yer tutur: "Onların gözəlliyi və cazibəsi məni valeh edib, yeni rəsm əsərləri yaratmağa ilham verib".

Rəssam Qarabağda da belə bir sərginin təşkil edilməsinin əhəmiyyətini qeyd edib.

Sərginin açılışında Azərbaycanda akkreditə olunmuş diplomatik korpusun nümayəndələri iştirak ediblər.

Sərgiyə giriş yalnız COVID-19 pasportları ilədir.

Son xəbərlər

Orphus sistemi