CinemaPlus-da “Bundan sonra hər zaman” filminin nümayişi keçirilib

“28 Mall” ticarət mərkəzində yerləşən “CinemaPlus” premium kinoteatrında amerikalı yazıçı Anna Toddun kitabı əsasında “Bundan sonra, hər zaman” filminin son hissəsinin premyeradan öncə nümayişi keçirilib.

"Report" xəbər verir ki, Kastill Lendonun rejissorluğunu etdiyi filmdə baş rollarda Cozefina Lenqford, Hiro Fayns-Tiffin, Luiza Lombar, Stiven Moye, Cessika Vebber, Kora Kirk və başqaları çəkilib.

Melodram janrında çəkilən film dünyada milyonlarla pərəstişkarı olan, kommersiya baxımından ən uğurlu müstəqil kinofranşizalardan biridir. Tessa ilə mübahisədən qurtulmaq və keçmişinin səhvlərini düzəltmək üçün Hardin Atlantik sahillərində günəşli Lissabona yollanır. Tamaşaçıları Portuqaliyaya romantik səyahət gözləyir.

“Party Time” dekor şirkətinin dizaynı və işıqlandırılması, “A1” rəqs qrupunun parlaq şousu “CinemaPlus”da keçirilən gecəyə romantik ab-hava qatıb.

Tədbirin təşkilində “VOЛЬGА” kino şirkəti, Cinema Distribution, Brand Media Groups, foto və video “Light in Black” kreativ şirkəti, MADO restoranı, “Чёткая” Organic vodka və Red Bull dəstək göstəriblər.

Tədbir filmin nümayişi ilə başa çatıb.