Bakıda “İpəkdə yaşayan izlər” sərgisi keçirilib - FOTO

Bakıda “İpəkdə yaşayan izlər” sərgisi keçirilib - FOTO İpək üzərində işlənilən əsərlər eyni başlıq altında müxtəlif vaxtlarda nümayiş olunub və bu üçüncü sərgidir
İncəsənət
116
24 Noyabr , 2016 10:27
Bakıda “İpəkdə yaşayan izlər” sərgisi keçirilib - FOTO

Bakı. 24 noyabr. REPORT.AZ/ Müasir İncəsənət Mərkəzində rəssam Tünzalə Məmmədzadənin tələbələri Elmar Məmmədzadə, Elnarə Qavami və təkəlduz ustası Türkan Məmmədzadənin yaradıcılıq sərgisi açılıb.

“Report”un xəbərinə görə, “İpəkdə yaşayan izlər” adlanan rəsm və təkəlduz sərgisində 30-dan çox əsər nümayiş olunub. 

Xatırladaq ki, ipək üzərində işlənilən əsərlər eyni başlıq altında müxtəlif vaxtlarda nümayiş olunub və bu üçüncü sərgidir.

Əməkdar incəsənət xadimi Ziyadxan Əliyev və xalq rəssamı Arif Hüseynov çıxış edərək bildiriblər ki, sərgidə nümayiş olunan əl işləri təsviri və tətbiqi sənətin vəhdətini özündə əks etdirən əsərlərdir.

Qeyd edilib ki, ölkədə dekorativ tətbiqi sənətlə təsviri sənəti sintez edərək, şəffaf ipək üzərində rəsm əsərləri yaratmağın bünövrəsini Tünzalə Məmmədzadə qoyub: "O, bu işin əsasını qoyaraq inkişaf etdirib, ölkəmizdə və xaricdə tanımaqla yanaşı, davamçılarını da yetişdirir. Tünzalə Məmmədzadə dünyada ilk dəfə olaraq “Qurani-Kərim”in ipək üzərində nümunəsini hazırlayıb".

Tədbirdə Tünzalə Məmmədzadə tələbələrinə və şəffaf ipək üzərində tikmə tikən yeganə təkəlduz ustası Türkan Məmmədzadəyə uğurlar arzulayıb.

Son xəbərlər

Orphus sistemi