Bakı və Moskvadakı Qara Qarayev adına məktəblər arasında əməkdaşlıq müqaviləsi imzalanıb

Bakı. 14 dekabr. REPORT.AZ/ Bakı şəhəri Qara Qarayev adına Mərkəzi İncəsənət Məktəbi ilə Moskva şəhər Qara Qarayev adına Uşaq Musiqi Məktəbi arasında əməkdaşlıq müqaviləsi imzalanıb.

Bu barədə "Report"a Mədəniyyət və Turizm Nazirliyinin İnformasiya və ictimaiyyətlə əlaqələr şöbəsindən məlumat verilib.

Bildirilib ki, müqaviləni Mərkəzi İncəsənət Məktəbinin direktoru, əməkdar artist Əziz Qarayusifli və Uşaq Musiqi Məktəbinin rəhbəri İlya Sandler imzalayıblar.

Tədbirdə qeyd olunub ki, iki məktəb arasında təcrübə mübadiləsinin aparılması Azərbaycanda multikultural ənənələrin inkişaf etdirilməsi baxımından böyük əhəmiyyət daşıyır.