Amerikanın “Twitter” şirkəti eyniadlı sosial şəbəkədə yeni koronavirusla bağlı dezinformasiyanın yayılmasına qarşı mübarizə tədbirlərini məhdudlaşdırıb.
"Report" TASS-a istinadən xəbər verir ki, bu barədə çərşənbə axşamı şirkətin saytında məlumat verilib.
"23 noyabr tarixindən etibarən “Twitter” COVID-19 ilə bağlı dezinformasiyanın yayılması ilə mübarizə aparmaq üçün tədbirlər görməyi dayandırdı", - daha əvvəl sahibkar İlon Mask tərəfindən 44 milyard ABŞ dollarına satın alınan şirkət bildirib.
Xatırladaq ki, 2020-ci ilin mart ayında platformanın istifadəçiləri üçün koronavirusun yaratdığı xəstəliyin qarşısının alınmasının səbəbləri və üsulları haqqında yanlış məlumatların minimuma endirilməsi üçün nəzərdə tutulmuş qaydalar toplusu qüvvəyə minib.