Rəqəmsal İnkişaf və Nəqliyyat Nazirliyinin iki qurumuna rəhbər təyin olunub

Rəqəmsal İnkişaf və Nəqliyyat Nazirliyinin strukturuna daxil olan iki agentliyə müvəqqəti rəhbər təyin edilib.

“Report”un əldə etdiyi məlumata görə, bu barədə nazir Rəşad Nəbiyev əmr imzalayıb.

Əmrə əsasən, İnnovasiya və Rəqəmsal İnkişaf Agentliyinə İnarə Vəliyeva, İnformasiya Kommunikasiya Texnologiyaları Agentliyinə isə Nail Mərdanov rəhbərlik edəcək. Onlar hazırda həmin qurumlarda müavin vəzifələrini icra edirlər.

Nazirlikdən "Report"un sorğusuna cavab olaraq hər iki xəbəri təsdiq ediblər.

Hər iki agentlik ölkə prezidentinin 11 oktyabr 2021-ci il tarixli fərmanına əsasən yaradılıb.