Qubada GPON texnologiyasının tətbiqinə başlanılıb

Rəqəmsal İnkişaf və Nəqliyyat Nazirliyinə məxsus “Aztelekom” MMC “Onlayn Azərbaycan” layihəsi çərçivəsində Quba rayonunun 2 kəndində - Vladimirovka və Xınalıqda sürətli və kəsintisiz internet xidməti göstərən fiber-optik GPON şəbəkəsinin tikintisi ilə əlaqədar zəruri avadanlıqları montaj edərək istifadəyə verib.

"Report" bu barədə nazirliyə istinadən xəbər verir.

Məlumata görə, Vladimirovkada 780, Xınalıqda isə 537 ev təsərrüfatı yüksək sürətli internetlə tam əhatə edilib.

Bundan əlavə, Quba şəhərində 1 700 abunəlik şəbəkə tikilib. Hazırda 600 abunəçi internet xidmətindən istifadə edir.

Qəçrəş kəndində aparılan tikinti işlərinin isə yaxın 2 ay ərzində başa çatdırılması nəzərdə tutulur.