“Panasonic” xalis mənfəət proqnozunu 14 % artırıb

Yaponiyanın elektronika istehsalçısı “Panasonic” şirkəti bu maliyyə ili üçün xalis mənfəət proqnozunu yüksəldib.

Bu barədə “Report” xarici mətbuata istinadən xəbər verir.

Məlumata görə, Yaponiya firması bu ilin may ayında açığladığı 210 milyard yenlik xalis mənfəət proqnozunu 30 milyard yen və ya 14,3 % artıraraq 240 milyard yenə (2,11 milyard ABŞ dollara) çatdırıb.

“Panasonic”in satışlarının ötən illə müqayisədə 9 % artaraq 7,3 trilyon yenə (64,2 milyard ABŞ dollara), əməliyyat mənfəəti 43 % artıraraq 370 milyard yenə (3,25 milyard ABŞ dollara) çatacağı gözlənilir.

Qeyd edək ki, “Panasonic”in xalis mənfəəti ötən il 165,08 milyard yen (1,51 milyard ABŞ dolları) olub.