​Cənubi Koreyada korlar üçün "ağıllı" saat icad edilib

Bakı. 4 avqust. REPORT.AZ/ Cənubi Koreya şirkətinin startapları zəif görmə qabiliyyəti olan və kor insanlar üçün "ağıllı" saat icad ediblər. Cihazın müəyyən funksiyaları "Apple Watch"u təkrarlasa da, bu saatlar tamamilə fərqli prinsiplə işləyir.

"Report"un xarici KİV-lərə istinadən verdiyi xəbərə görə, adi saatdan fərqli olaraq "Dot Smartwatch"un "ekranı" 6 nöqtəli 4 seqmentdən ibarətdir. İşlək panelin bu prinsip üzrə qurulması simvolları Brayl şrifti ilə göstərməyə imkan verir. Cihaz "Bluetooth" vasitəsilə smartfon və digər "Dot" saatlarla sinxronlaşdırılıb. Dayanmadan işləyən saat beş günədək enerji yükləmədən də işləyə bilir.

"Dot"un satışına bu ilin dekabrından başlamağı düşünürlər.