"AzInTelecom"da yeni təyinat olub

Rəqəmsal İnkişaf və Nəqliyyat Nazirliyinin tabeliyində fəaliyyət göstərən “AzInTelecom” MMC-də yeni təyinat olub.

"Report" xəbər verir ki, şirkətin Kommersiya departamentinin direktoru vəzifəsinə Fərrux Fərəcullayev təyin edilib.

MMC-nin baş kommersiya inzibatçısı bundan öncə Məhsul və Xidmətlər şöbəsinin müdiri olub.

F.Fərəcullayev “AzInTelecom”da peşəkar fəaliyyətinə 2017-ci ildə başlayıb.