Azərbaycanın informasiya və rabitə sektoruna investisiya qoyuluşu 40 % artıb

Bu ilin yanvar-fevral aylarında Azərbaycanın informasiya və rabitə sektoruna 50,1 milyon manat investisiya qoyulub.

“Report” Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 39,8 % çoxdur.

Təkcə fevraldada isə sektora investisiya qoyuluşu 18,7 milyon manat olub ki, bu da 1 il əvvələ nisbətən 18,3 % azdır.

Hesabat dövründə ölkə iqtisadiyyatına investisiya qoyuluşunun 2,5 %-i informasiya və rabitə sektorunun payına düşüb.

Xatırladaq ki, 2024-cü ildə sektora investisiya qoyuluşu 630,4 milyon manat olub. Bu, 2023-cü illə müqayisədə 59,5 % çoxdur.