Azərbaycanda mobil cihaz və planşetlərdə “İOS”in bazar payı artıb

Bu ilin fevral ayında Azərbaycanda mobil cihazlarda “Android” əməliyyat sisteminin bazar payı 81,65 % təşkil edib.

“Report”un “Statcounter” agentliyinin fevral hesabatına istinadən verdiyi məlumata görə, bu, yanvara nisbətən 1,26 faiz bəndi, bir il əvvəlki göstərici ilə müqayisədə 1,24 faiz bəndi azdır.

Hesabat dövründə “İOS” əməliyyat sisteminin bazar payı müvafiq olaraq 1,35 faiz bəndi və 1,27 faiz bəndi artaraq 17,83 %-ə çatıb.

Fevralda planşetlərdə "Android”in bazar payı müvafiq olaraq 0,89 faiz bəndi və 2,14 faiz bəndi azalaraq 66,84 %-ə enib.

Həmin cihazlarda “İOS”un bazar payı 33,1 % təşkil edib ki, bu da yanvara nisbətən 0,84 faiz bəndi, bir il əvvəlki göstərici ilə müqayisədə 2,34 faiz bəndi çoxdur.