Azərbaycanda İKT sektorunda məhsul istehsalı 8 %-ə yaxın artıb

Bu ilin I rübündə Azərbaycanda informasiya və kommunikasiya texnologiyaları (İKT) sektorunda 525,5 milyon manatlıq məhsul istehsal edilib.

“Report” Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 7,7 % çoxdur.

Təkcə martda isə bu sektorda 172 milyon manatlıq məhsul istehsal olunub ki, bu da 1 il əvvələ nisbətən 3 % çoxdur.

Yanvar-mart aylarında sektorun ümumi daxili məhsulda (ÜDM) payı 1,8 % təşkil edib.

Xatırladaq ki, 3 ay ərzində Azərbaycanda 29 milyard 892,9 milyon manatlıq və yaxud illik müqayisədə 0,3 % çox ÜDM istehsal olunub.