Azərbaycan Cənubi Koreyadan smartfon alışını 230 dəfə artırıb

Bu ilin yanvar ayında Azərbaycan 26 milyon ABŞ dolları dəyərində 107 675 ədəd smartfon idxal edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2024-cü ilin eyni dövrünün göstəricisindən dəyər ifadəsində 27 %, kəmiyyət olaraq – 9 % azdır.

Hesabat dövründə Azərbaycan Çindən 20,68 milyon ABŞ dolları dəyərində (1 il əvvəlki göstəricidən 20 % azdır) 92 935 ədəd (+9 %), Vyetnamdan 5 milyon ABŞ dolları dəyərində (-32 %) 13 718 ədəd (-45 %), Hindistandan 272,7 min ABŞ dolları dəyərində (-82 %) 792 ədəd (-89 %) və Cənubi Koreyadan 27,6 min ABŞ dolları dəyərində (+19 dəfə) 230 ədəd (+230 dəfə) cihaz alıb.

2024-cü ildə Azərbaycana idxal edilmiş 1,51 milyon ədəd smartfonun 79,5 %-i Çinin payına düşüb.